Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa xalay magaalada Baydhabo ee xarunta KMG ah ee maamulka Koonfur Galbeed ku soo gabagabeeyey wejigii labaad ee shirka dib u heshiisiinta.
Dhinacyada ka qeyb galaya shirka ayaa waxaa u suuragashay in ay ka gudbaan khilaafaadyo iyo is afgarad ku saabsan doorashada guddoonka baarlamaanka ee maamulkaasi.
Sida lagu sheegay war-murtiyeedkii ugu dambeeyay ee shirka laga soo saaray, waxaa la isku raacay in inta u dhaxaysa November 2023 iyo December 2023 lagu soo xulo xubnaha baarlamaanka maamul goboleedyada.
Guddoomiyaha Guddiga Dib u heshiisiinta, Madaxweynaha Maamulka Koonfur Galbeed iyo Siyaasiyiinta Mucaaradka ayaa isku raacay in Wasaaradda Arrimaha Gudaha, Federaalka iyo Dib u heshiisiinta ee Xukuumadda Soomaaliya ay dhaqangeliso heshiiskaasi.
Heshiiskan ayaa la filayaa inuu soo afjaro khilaaf u dhexeeya madaxweynaha maamulka Koonfur Galbeed, Cabdulcasiis Laftagareen iyo kuwa kasoo horjeeda oo ku saabsan arrimaha doorashada maamulkaas, kaasoo sababay iska-hor-imaadyo hubeysan oo ka dhacay Baydhabo, iyadoo waqtigiisii dastuuriga ahaa uu ku ekaa December 2022-ka.
.webp)
0 Comments