Hay’adda Qaramada Midoobay u qaabilsan Cunnada iyo Beeraha (FAO) iyo Hay’adda Horumarinta Caalamiga ah ee Maraykanka (USAID) ayaa daah-furay mashruuc caan ah oo lagu taageerayo ajendaha adkeysiga iyo la qabsiga cimilada Soomaaliya. Mashruucan oo loogu magac daray “Yareeynta Nuglaanshaha Bulshada ee Abaaraha iyo Murugada Dibadda (ka soo kabashada)” ayaa waxaa fulinaya Hay’adda Cunnada iyo Beeraha ee Qaramada Midoobay (FAO) oo kaashanaysa Dowladda Federaalka ah ee Soomaaliya iyo Dowlad Goboleedyada xubnaha ka ah Federaalka ee Hirshabeelle, Koonfurta Galbeedka, iyo Jubaland, kuwaas oo leh awood weyn oo wax-soo-saar iyo in ay horseedaan sugnaan cunto oo wanaagsan oo Soomaaliya ah.
Hindisaha cusubi waxa uu isku xidhayaa barnaamijyadii bini'aadantinimo ee jiray, isaga oo siinaya qoysaska nugul dariiqa looga soo baxo ku tiirsanaanta bini'aadantinimo ee ku wajahan adkeysiga. Wada-hawlgalayaasha ayaa ka wada shaqayn doona si ay u horumariyaan helitaanka qalabka beeralayda, dhisidda xirfadaha iyo awoodda wax-soo-saarka cimilada-casriga ah, taageeridda kala-duwanaanta dakhliga, iyo hagaajinta helitaanka suuqa ee ku dhawaad 54,000 dadka reer miyiga ah. Taageeradu waxay ku soo beegantay xilli xasaasi ah oo daba socday abaaro laba sano ka badan, markaas oo Soomaaliya ay u baahan tahay maalgashi lagu sameeyo waxqabadyada mustaqbalka fog ee qaybaha wax soo saarka ee doonaya in wax laga qabto sababaha asaasiga ah ee dhibaatooyinkan soo noqnoqda.
"Waxa aan hadda ku aragno Soomaaliya waa wareegyo naxdin leh oo cimilada oo kicisa dhibaatooyinka bini'aadantinimo ee sii xumaanaya iyo kuwa daba dheeraaday. Waxaan u baahannahay inaan dib u habeynno dadaalladayada ku aaddan sidii bulshooyinku isku filnaan lahaayeen oo awood u yeelan lahaayeen inay u adkeystaan dhibaatooyinkaas, haddii aan si dhab ah u doonayno inaan aragno Soomaaliya oo ka baxaysa wareeggan musiibooyinka,” ayuu yiri Etienne Peterschmitt, Wakiilka FAO ee Soomaaliya.
"Mashruucyada kuwan oo kale ah, oo lala kaashanayo USAID, waxay muujinayaan in ay sii kordhayso ballan-qaadka lagula shaqeynayo Dowladda Soomaaliya si loo sameeyo saameyn waqti dheer ah, iyo yareynta nuglaanshaha miyiga iyo bulshooyinka cuntada soo saara," ayuu yiri.
Dariiqa looga baxo ku tiirsanaanta bini'aadantinimada Habka isku dhafan ee mashruuca ayaa dhisi doona barnaamijyo ballaaran oo ay bixiso Xafiiska USAID ee Caawinta Bini'aadantinimada. Waxay taageertaa wax-soo-saarka dalagyada maxalliga ah ee cimilada-xariif ah, calafka iyo kalluunka, kordhinta suuq-geyntooda waxayna gacan ka geysataa kala-duwanaanshaha dakhliga iyo helitaanka maaliyadda iyada oo la wanaajinayo nafaqeynta dadka ay dhibaatadu saameysey. Iyada oo taageero laga helayo USAID, maalgelinta cusub waxay kor u qaadi doontaa hawlaha la qabsiga iyo yaraynta abaaraha ee hadda jira iyo dhamaystirka barnaamijyada adkeysiga ee FAO ee ka socda gobolka.
"Mashruucan, waxaan si dhow ula shaqeyneynaa Dowladda Soomaaliya si aan u daboolno maalgashiga horumarinta ee bani'aadamnimada si loo dhiso u adkeysiga bulshooyinka nugul ee naxdinta soo socota loona yareeyo baahida gargaarka bini'aadanimo mustaqbalka." ayuu yiri Ted Lawrence Ku-simaha Agaasimaha Hay’adda USAID.
.webp)
0 Comments