Madal Farxad Leh Oo Lagu Sagootiyay Safiirka Imaaraadka Ee Muqdisho

Mudo todobaad ah ayaa waxaa magaalada Muqdisho ee caasimada Soomaaliya ka dhacay xaflado iyo casho sharaf loo sameeyay Wadih Al-Othman oo ahaa safiirkii  Imaaraadka Carabta ee uu waqtigiisa dhamaaday.

xaley fiidkii, Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa Xafiiskiisa Xarunta Madaxtooyada ee Caasimadda Muqdisho ku qaabilay Safiirka Dowladda Imaaraadka Carabta ee uu waqtigeedu dhammaaday Mudane Maxamed Axmed Cusmaan Al. Hammadi, si uu si rasmi ah u sagootiyo.

Madaxweynaha Soomaaliya ayaa u muujiyay safiirka  Emiraadka  ee dadaalka uu ku yeeshay horumarinta xiriirka laba geesoodka ah ee ka dhexeeya Soomaaliya iyo Imaaraad, kaasoo ku saleysan dadaal wadajir ah iyo is ixtiraam labada dhinac ah.

Dhiniciisa, Danjire maxamed axmed Othman al hammadi ayaa uga mahadceliyay madaxweynaha Soomaaliya iskaashiga uu ka helay muddadii  uu ka shaqeynayay caasimada, Muqdisho, isagoo safiirka dalkiisa ah inuu hormariyo Emiraad-Somali Xiriirka hab ku guuleysta danaha guud.

Sidoo kale Ra’iisul Wasaaraha Xukuumadda Federaalka Soomaaliya, Mudane Hamza Abdi Barre, ayaa  casho sharaf sagootin ah u sameeyay safiirka Dowladda Imaaraadka Carabta u fadhiyay Soomaaliya, Mudane Maxamed Axmed Alcusmaani.

Ra’iisul Wasaaraha ayaa uga mahad celiyey Dowladda Imaaraadka Carabta taageerada ay siiso Soomaaliya , waxaana si gaar ah uu uga hadlay hawshii uu Safiirku ka qabtay dalka mudadii sanadaha ahayd ah ee uu fadhiggiisu ahaa Muqdisho.

Dhankiisa Danjiraha Dowladda Imaaraadka, ayaa Ra’iisul Wasaaraha uga mahad celiyey wadashaqeynta iyo xiriirka soo jireenka ah, isaga oo si gaar ah uga mahadnaqay munaasabadda cashada ah iyo hadiyado uu guddoonsiiyay Ra’iisul Wasaaruhu