Muungaab oo guddoomiye degmo u magacaabay Masuul uu horey xilka uga qaaday

 

Guddoomiyaha gobolka Banaadir  Xasan Maxamed Xuseen

Guddoomiyaha gobolka Banaadir  Xasan Maxamed Xuseen Muungaab  ayaa wareegto uu soo saaray xilka uga qaaday guddoomiyihii degmada Daarusalaam ee gobolka Banaadir Md. Maxamed Cabdiraxmaan Maxamuud., waxa uuna Muungaab magacaabay guddoomiye cusub.

Wareegtada uu soo saaray duqa magaalada Muqdisho

Wareegtada uu soo saaray duqa magaalada Muqdisho , ayuu ugu magacaabay guddoomiyaha degmada Daarusalaam in uu noqdo Mudane Mire Salaad Dhuxulow, oo isbuucyo kahor laga qaaday xilka guddoomiyaha degmada Hiliwaa ee gobolka Banaadir.

Guddoomiyaha gobolka Banaadir Muungaab ayaa kula dardaarmay

Guddoomiyaha gobolka Banaadir Muungaab ayaa kula dardaarmay guddoomiyaha cusub ee degmada Daarusalaam Mire Salaad Dhuxulow in uu mudnaan siiyo harumarinta degmada, bilicda iyo baahinta adeegyada aas-aasiga.

Duqa magaalada Muqdisho, ayaa inta badan xilka ka qaaday guddoomiyaashii degmooyinka gobolka Banaadir markii uu xilka la wareegay, waxa uuna Muungaab soo magacaabay guddoomiyaal cusub oo u badan dhallinyaro waxbaratay, kuwaa oo looga fadhiyo in shaqooyin badan qabtaan.