Shan waxyaabood oo laga bartay Covid-19.

Waa kuwan Shan waxyaabood oo aynu barannay tan iyo faafitaankii cudurka: 1- In si dhakhso ah lagu samayn karo tallaal waxtar leh.

Isla markii uu cudurku dillaacayba cilmi baarayaashu waxay bilaabeen in ay u kala tartamaan sidii ay u soo saari lahaayeen tallaal dadka ka ilaaliya cudurka Covid-19.

Shirkadaha daawada sameeya ayaa go'aansaday in ay isticmaalaan tiknolojiyadda MRNA ee aan horay loo adeegsan si loo soo saaro tallaal ay dadku isku hallayn karaan, Waxaana muuqata in khatartaasi ay faa'iido dhashay.

Kaliya maahan in Biontech Pfizer iyo ka dib Moderna ay horumariyeen tallaal ka dhan ah Covid-19 si ka dhakhso badan shirkad kasta, balse waxay albaabada u fureen qaabab cusub oo wax loo daaweeyo iyadoo la adeegsanyo tiknolojiyad casri ah.

2. In Cudurka Covid-19 hawada loogu kala qaado si ka sahlan sidii markii hore la filayey Qiyaastii afar bilood ka dib markii lagu dhawaaqay faafitaanka Covid-19, Ururka Caafimaadka Adduunka ayaa ku qoray boggiisa Twitter: 

"Xaqiiqda: Covid-19 kuma sii jiro hawada." Isla mar ahaantaana, khubarada ka socota Ururka Caafimaadka Adduunka kuma aysan talin dadka inay xirtaan af-xidhka.

"Ma jirto caddayn gaar ah oo soo jeedinaysa faa'iido gaar ah oo laga helayo xidhashada af-xidhka," ayuu yidhi Michael Ryan, madaxa fulinta ee Barnaamijka Gurmadka Caafimaadka ee WHO.

"Kuma talineyno isticmaalka maaskaro ilaa aad tahay qofka jiran," ayay raacisay Maria Van Kerkhove, madaxa farsamada ee maamulka Covid-19.

Laakiin fikraddaas ayaa isbaddashay ka dib markii wax badan laga ogaaday sida cudurkaan uu u faafo.

Ururka Caafimaadka Adduunka ayaa hadda sheegay in dadku "ay ka dhigaan xirashada maaskaro qayb caadi ah oo noloshooda ka mid ah inta ay la joogaan dadka kale".

Saas oo ay tahay waxaa jira caddaymo isa soo taraya oo ah in COVID-19 aan lagu kala qaadin oo kaliya dhibco waaweyn oo candhuuf ah ama xab ah oo hawada ku jira muddo gaaban taasoo ka dhalatay qufaca ama hindhisada, ama taabashada dusha wasakhaysan balse sidoo kale hawada lagu kala qaado.

3. Qaar badan oo inagga mid ah waxay haatan ka soo shaqayn karaan guryaha taas oo ah caado sii socon doonta Malaayiin qof oo adduunka ku nool ayaa u wareegay guryahooda halkii ay ka shaqeyn lahaayeen xafiisyo iyo goobo shaqo inta lagu guda jiro faafitaanka cudurka faafa.

Tani ma ahayn mid farsamo ahaan suurtagal ah dhowr sano ka hor, laakiin cudurka faafa ayaa muujiyay in waxyaabaha sida wicitaannada muuqaalka ah ay yihiin wax dad badan ay samayn karaan, Waxay u muuqataa in ay wax ka bedeli karto habka ganacsi ee malaayiin naga mid ah.

Bishii Maajo 2020, shirkadda weyn ee warbaahinta bulshada, Twitter, ayaa saamaysay cinwaannada adduunka oo dhan ka dib markay tiri: "Shaqaalaha Twitter waxay hadda ka shaqayn karaan guriga weligood, bilihii la soo dhaafay waxay caddeeyeen in arrintaasi ay suurtogal tahay."

Facebook ayaa ku dhawaaqday mid la mid ah farriintaas horaantii sanadkan, laakiin maaha oo kaliya shirkadaha teknolojiyadda kuwa doonaya in ay isbedelaan, Sahan lagu sameeyay 1,200 oo ganacsi oo ay samaysay Enterprise Technology Research ayaa muujisay in saamiga shaqaalaha sida joogtada ah uga shaqeeya guryaha adduunka oo dhan la filayo in tiradoodu ay labanlaabanto 2021, taasina waa wax shaqaale badan ay sidoo kale jeclaan lahaayeen.

4- Cudurku wuxuu si gaar ah u waxyeelleeyey dadka bulshada ugu tabarta daran, Dunidu waa meel aan cadaalad ahayn, waana wax laga xumaado in COVID-19 dillaacay uu xaqiijiyay inuu ka sii dari karo.

Dalka Britain, daraasad ay sameeyeen cilmi-baarayaal ku sugan UK ayaa lagu ogaaday in meelaha ugu saboolsan, 11.4 boqolkiiba dadka uu ku dhacay COVID-19, halka meelaha ay saboolmimadu ku yartahay uu hoos ugu dhacay 7.8 boqolkiiba.

Kooxdu waxay sidoo kale ogaatay in dadka ka soo jeeda qowmiyadaha laga tirada badan yahay uu sidoo kale si aan qiyaas lahayn cudurku u saamaysay, taas oo sidoo kale ka dhacday Maraykanka.

Magaalada New York, xogta la daabacay 2020 waxay muujisay in Isbaanishka iyo madowga, ay dhimashada ugu kala badnaayeen siday u kala horreeyaan, oo 34 iyo 28 boqolkiiba ay Covidka u geeryoodeen, iyadoo la og yahay inay ka kooban yihiin kaliya 29 iyo 22 boqolkiiba dadweynaha, siday u kala horreeyaan.

5. Ma hubno goorta ay dhammaan doonto dhibaatada Covid-19, Fayrasku si degdeg ah ayuu isu beddelay, noocyadiisa cusubna waa ay faafeen, kuwaas oo qaarkood hubaal ah in ay aad isu gudbin karaan lagana yaabo in ay ku adkaato tallaallada in ay wax ka taraan.

Isbadallada dhacay waxaa kale oo ay iftiimiyeen in laga yaabo in aynu la noolaano fayrasku marka uu kobcayo, oo aanu si joogto ah u cusboonaysiiyo tallaalada si aanu ula qabsano doorsoomayaasha cusub.

Marka xaaladdaas la eego, waddamada leh dadka aadka loo tallaalay waxay sii wadi doonaan inay si caadi ah u noolaadaan xitaa haddii dadku uu ku dhaco Covid, wax badan kama duwanaan doono xaaladaha caafimaad ee kale.

Adduunka oo dhan, ma jiro wax la isku raacsan yahay oo ku saabsan sida loola macaamilo Covid. Wadamada qaar sida Boqortooyada Ingiriiska ayaa qaaday xayiraadaha lagu soo rogay fayraska dartiis, halka kuwa kale sida Shiinaha ay sii wadaan in ay sii wadaan siyaasada soo afjarida Covid ee dalka.