Horyaalka Champions' League: 10ka cayaartoy ee da'da yar ee isha lagu hayo

 

Todobaadkan waxaa billowday cayaaraha xiisaha leh 

Todobaadkan waxaa billowday cayaaraha xiisaha leh ee horyaallada Yurub ee loo yaqaanno Champions' League Desire Doue wuxuu ahaa mid ka mid ah xiddigaha da'da yar ee xilli ciyaareedkii hore, markii uu ka caawiyay Paris St-Germain inay ku guuleysato Champions League markii ugu horeysay.

Lamine Yamal oo ka tirsan Barcelona, oo ah da'yar kale, ayaa ku jiray kooxda intii uu socday tartanka Champions League ayaa soo laabtay – iyadoo kulamo la ciyaaray shalay oo Talaado ahayd. Waa kuwee haddaba xiddigaha da'da yar ee wacdaraha ka dhigaya tartanka sanadkan? BBC-da ayaa eegeysa 10 ka mid ah da'yarta la filayo in xilli ciyaareedkan ay wax fiican soo bandhigaan.

Ciyaaryahanka khadka dhexe ee Montenegrin Vasilije Adzic ayaa Juventus ugu biiray heshiis seddex sanno ah 2024 ka dib markii uu ka caawiyay Buducnost Podgorica inuu ku guuleysto horyaalka gudaha xilli ciyaareedkiisii ugu horeysay isagoo 16 jir ah Waxa uu u ciyaaray sagaal jeer Juve 2024–25, oo ay ku jirto hal kulan oo Champions League ah, wuxuuna ciyaaray guuldaradii Club World Cup ee ka soo gaartay Manchester City 26kii Juun.

Adzic ayaa horay u matalay xulkiisa, isagoo dhaliyay goolkiisii ugu horeeyay, 9-kii June, markaasoo ay barbaro 2-2 ah la galeen Armenia Sida walaalkiis ka weyn ee Jude, Jobe Bellingham wuxuu ka dhaqaaqay England isagoo ku biiray Borussia Dortmund, wuxuuna ka soo tagay Sunderland xagaagii ka dib markii uu ka caawiyay inay u soo gudbaan Premier League.

Jobe Bellingham, oo ay kooxda reer Jarmal kaga soo iibsatay 27 milyan ginni, waxa uu inta badan ka ciyaaraa khadka dhexe ee daafaca, inkasta oo uu mararka qaar u ciyaari jiray weerarka dhexe ee Sunderland Waxa uu u soo ciyaaray England heerkiisa 21 jirada, waxaana uu dalkiisa ugu laaban doonaa Champions League, markaasoo Dortmund ay marti u tahay Manchester City iyo Tottenham.

Jamaahiirta Manchester City ayaa doonaya in ay arkaan sida uu Claudio Echeverri u soo bandhigo qaab ciyaareedkiisa

Jamaahiirta Manchester City ayaa doonaya in ay arkaan sida uu Claudio Echeverri u soo bandhigo qaab ciyaareedkiisa ka dib markii uu amaah ugu biiray Bayer Leverkusen. City ayaa fursad u haysata in ay xiddiga reer Argentine ku soo celiso Etihad Stadium bisha January hadii ay doonayso.

Echeverri ayaa City ugu soo biiray lacag dhan £12.5 milyan bishii Janaayo 2024, laakiin waxa uu amaah ku joogay River Plate 12ka bilood ee soo socda. Waxa uu saftay kulankiisii ugu horeysay ee Premier League maalintii ugu dambeysay ee xilli ciyaareedkii 2024–25 ka dibna wuxuu u soo muuqday bedel ahaan ciyaartii finalka FA Cup ee City ay ka badisay Crystal Palace.

Waxa uu dhaliyay goolkiisii ugu horeeyay ee City qaab laad xor ah oo cajiib ah oo uu ka dhaliyay Al-Ain intii lagu jiray koobkii kooxaha adduunka ee xagaaga Markii uu jiray da'da 19, Jorrel Hato wuxuu ciyaaray in ka badan 120 kulan oo heer naadi ah wuxuuna u ciyaaray kooxda reer Holland lix jeer.

Hato, oo ka ciyaari kara daafaca dambe ee midig ama daafaca dhexe, ayaa kulankiisii ugu horeesyay u saftay Ajax isagoo 16 jir ah, waxaana uu noqday kabtanka isagoo 17 jir ah – isagoo noqday kabtanka ugu da'da yar Ajax kulan ka tirsan Yurub Xilli ciyaareedkii hore qaab ciyaareedkiisa ayaa lagu arkay isaga oo loo magacaabay xiddigii ugu fiicnaa ee cayaartoyda ay da'doodu ka yar tahay 21 sano ee horyaalka Eredivisie, ka hor intii uusan u wareegin Chelsea oo bishii Agoosto kula soo wareegtay £27 malyan.

Hibada weeraryahanka dhaqsaha badan ee awooda badan George Ilenikhena ayaa ku sii socota si xawli ah

Hibada weeraryahanka dhaqsaha badan ee awooda badan George Ilenikhena ayaa ku sii socota si xawli ah Waxa uu ka ciyaaray horyaalka heerka labaad ee Faransiiska Amiens, ka dib wuxuu xilli ciyaareed wanaagsan ku qaatay 2023-24 ee Royal Antwerp, isagoo kooxda ka caawiyay inay ku guuleystaan Belgian Super Cup 2023.

Ka dib markii uu dhaliyay 14 gool 49 kulan oo uu saftay xilli ciyaareedkaas, waxa uu u dhaqaaqay Monaco. Waxa uu gool ka dhaliyay Barcelona tartanka Champions League labadii xilli ciyaareed ee ugu dambeeyay – guushii 3-2 ee Antwerp bishii December 2023 isagoo 17 jir ah, iyo mar kale kulankii Monaco 2-1 ku badisay Sebtember 2024 Weeraryahanka kooxda Real Madrid Franco Mastantuono ayaa loo arkaa mid ka mid ah xiddigaha mustaqbalka fiican ku leh kubada cagta adduunka.

13kii Juun, Real ayaa ku dhawaaqday in Mastantuono uu ku biirayo kooxda, xilligii sannadguuradii dhalashadiisa ee18aad, 14 August, isagoo saxiixay qandaraas lix sano ah ka dib markii la ogolaaday in la bixiyo 39 milyan ginni (€ 45m) si looga soo iibsado River Plate Waxa uu kulankiisii ugu horeeyay u saftay Argentina isagoo 17 jir ah bishii June, waxaana uu Real u saftay seddex kulan horyaalka La Liga ilaa haatan xilli ciyaareedkii 2025-26.

Isagoo 19 jir ah, Senny Mayulu wuxuu ku guuleystay labo horyaal oo Faransiiska Ligue 1 ah. Waxa uu gool ka dhaliyay Paris St-Germain finalkii Champions League, waxaana uu ciyaaray finalka Koobka Kooxaha Adduunka Waxa uu kulankiisii ugu horeeyay u saftay kooxda PSG 2024, waxaana uu xulka qaranka France u matalay kooxda 20 jirada.

Ciyaaryahanka khadka dhexe ayaa inta badan ahaa bedel, lakiin waxa uu hagaajiyey qaab ciyaareedkiisa kursiga keydka, isagoo dhaliyay goolkii shanaad ee kooxda kulankii ay 5-0 kaga badiyeen Inter Milan finalka Champions League bishii May Rio Ngumoha ayaa ku sugnaa akadeemiyada Chelsea ka hor inta uusan u dhaqaaqin Liverpool 2024-kii, wuxuuna ahaa 16 sano jir markii uu kulankiisii ugu horreeyay u saftay Reds, ciyaar ay 4-0 ku garaaceen Accrington wareegii saddexaad ee FA Cup bishii Janaayo 2025.

Isagoo leh orod iyo xirfad, Ngumoha wuxuu dhaliyay goolal kulamadii xilli ciyaareedka ka horeeya ee Yokohama iyo Athletic Club Kadib waxa uu xaqiijistay booskiisa buugaagta bishii Agoosto isagoo noqday gooldhaliyahoodii ugu da'da yaraa abid ee Premier League iyo gooldhaliyaha kulankii xiisaha lahaa ee 3-2 ay kaga badiyeen Newcastle - isagoo dhaliyay afar maalmood ka hor dhalashadiisa 17aad.

Ka dib markii uu ka soo baxay akadeemiyadda Arsenal, Ethan Nwaneri, isagoo 15 jir ah, wuxuu noqday ciyaaryahankii ugu da'da yaraa ee Premier League England markii uu la ciyaaray Brentford Sebtembar 2022 Waxa uu ku soo bilowday 16 kulan tartamada oo dhan Arsenal 2024-25, isagoo 21 kale ka soo kacay kursiga keydka, wuxuuna dhaliyay sagaal gool, oo ay ku jiraan labo Champions League.

Qaab ciyaareedkiisa ayaa ku mutaystay in loo magacaabo abaal marinta da'yarka sanadka ee PFA, xagaagiina waxa uu ka caawiyay England in ay ku guulaysato horyaalnimada Yurub ee cayaartoyda da'doodu ka yar tahay 21 Taageerayaasha Chelsea ayaa isha ku hayn doona Geovany Quenda xilli ciyaareedkan, iyadoo garabka reer Portugal uu xagaaga soo aadan ugu biiri doono Blues qiimo dhan 44 milyan gini.

Waxa uu la ciyaaray Sporting markii ay ku guuleysteen horyaalka ugu sareeya ee dalka 2024-25, ku biiridiisa Chelsea ayaa lagu dhawaaqay bishii Maarso Quenda ayaa markii dambe qaab ciyaareed wanaagsan ku soo bandhigay tartanka Yurub ee cayaartoyda da'doodu ka yar tahay 21, isagoo u dhaliyay seddex gool Portugal.