Neymar iyo Messi dib ma ugu midoobi doonaan Maraykanka

 

Weeraryahanka reer Brazil Neymar ayaa sheegay

Weeraryahanka reer Brazil Neymar ayaa sheegay in dib u midoobidda isaga iyo saaxiibadiisii hore ee kooxda Barcelona, Lionel Messi iyo Luis Suarez, in uu kula biiro kooxda Inter Miami ay tahay fikrad xiiso leh.

Arrintaas ayaa loo arkaa in uusan meesha saarin in uu ugu wareego Mareykanka marka uu dhammaado qandaraaskiisa Al-Hilal.

Neymar, oo mar ahaa mid ka mid ah weeraryahannada ugu halista badan kubadda cagta, ayaa xidhiidh cajiib ah la sameeyay Messi iyo Suarez, iyagoo Barcelona ku hoggaamiyay saddexley taariikhi ah ka hor inta uusan ugu wareegin Paris St Germain sanadkii 2017 heshiis rikoor jabiyay oo gaarayay 222 milyan euro ($230.39 milyan, halkaasoo ay mar kale ku midoobeen Messi.

Fikradda ah in halyeeyadii hore ee kubadda cagta ee Barcelona iyo PSG ay dib ugu midoobaan MLS si ay u qoraan cutubkooda ugu dambeeya ayaa shaki la'aan ah mid soo jiidan karta taageerayaal badan. Si kastaba ha ahaatee, xaqiiqada dhaawacyada ayaa si weyn u saameysay xiddiga reer Brazil Neymar.

Arrinta kale ee la is weydiinayo ayaa ah 

Arrinta kale ee la is weydiinayo ayaa ah walaacyo laga muujiyay dhibaatooyinka dhaawaca jilibka ee Suárez ka hor inta uusan ku biirin Inter Miami, balse wuxuu si fiican uga jawaabay shakigaas, isagoo dhaliyay 20 gool xilli ciyaareedkiisii ugu horreeyay.

Messi laftiisu wuxuu la kulmay dhaawacyo badan, hase yeeshee, wuxuu dhanka kale ku guuleystay abaalmarinta MLS MVP ee 2024 oo ah cayaartoyga ugu qiimaha badan tartanka, isagoo ciyaaray in ka badan 1,500 daqiiqo xilli kooxda ay ku guuleysatay tartanka Supporters' Shield.

Jawiga cusub ee firfircoon ee Inter Miami—iyo heerka tartan ee fudud marka loo eego horyaalada kale—ayaa laga yaabaa inay noqdaan waxa Neymar u baahan yahay si uu dib ugu helo qaab-ciyaareedkiisii wanaagsanaa.

In kasta oo Inter Miami ay weli ku dhibtooneyso hanashada koobka MLS, Neymar ayaa laga yaabaa inuu ka masayro xilliyada wanaagsan ee ay saaxiibbadiisii hore ee Barça ku raaxeysanayaan. "Way ii yihiin saaxiibbo; weli waan wada xidhiidhnaa," ayuu TVga CNN u sheegay.

Neymar ayaa waxaa kale hore Kooxda Paris St-Germain ay kula heshiisay naadiga horyaalka Sacuudiga ka cayaara ee Al Hilal inay weeraryahanka reer Brazil ee Neymar ka siiso 90 Milyan oo Yuuro.

Waxaa la fahamsan yahay in Neymar uu ka helayey naadiga PSG qiyaastii £25 Malyan sannadkiiba

Waxaa la fahamsan yahay in Neymar uu ka helayey naadiga PSG qiyaastii £25 Malyan sannadkiiba. Halka uu Sacuudiga uu ka helayey 150 Malyan oo Yuuro sannadkiiba, taasoo u dhiganta lix-jibaar lacagta uu ka qaadan jirey PSG.

Laacibkaas reer Brazil wuxuu naadiga PSG u saftay 173 goor, wuxuuna ka caawiyey inay qaadaan 13 koob oo ay ku jiraan 5 Ligue 1 (Horyaalka Faransiiska). Wuxuu gaadhsiiyey kama dambaysta koobka horyaallada Yurub ee Champions' league.

Laakiin dhawaanahan waxaa cayaartoyga la soo darsay dhaawacyo kala duwan kuwaas oo muddooyinkii u danbeeyey saameeyay qaab ciyaareedkiisa iyo waayihiisa ciyaaraha ee Sucuudiga, oo aan noqon sidii la filayey.

Dhanka kale, Neymar wuxuu sheegay in koobka Kubadda cagta adduunka ee 2026 uu noqon doono kiisii ugu dambeeyey ee uu u safto xulka qaranka ee dalkiisa Brazil, wuxuuna intaa ku daray inuu ku kalsoon yahay in dalkiisu u u soo bixi doono dalalka 32ka ah ee ugu dambeyn ku hardami doona koobka oo lagu qaban doono dalalka Mexico, Maraykanka iyo Canada oo wadajir u martigelin doona.