Madaxweynaha Soomaaliya oo la kulmay Madaxweynaha Imaaraadka Carabta

 

Madaxweynaha Soomaaliya Xasan Sheekh Maxamuud

Madaxweynaha Soomaaliya Xasan Sheekh Maxamuud oo booqasho ku jooga dalka Isutagga Imaaraadka Carabta ayaa la kulmay Madaxweyne Maxamed Bin Zayid Al Nahyan.

Kulanka oo ka dhacay Qasriga Al Bateen ee magaalada Abu Dhabi ayaa waxaa looga hadlay sidii kor loogu qaadi lahaa iskaashiga labada dal ee dhinacyada kala duwan,gaar ahaan dhinacyada horumarka iyo xasiloonida Soomaaliya.

Kulanka ayaa waxaa ka soo qeyb galay madaxda sare ee Emirate-ka Carabta

Kulanka ayaa waxaa ka soo qeyb galay madaxda sare ee Emirate-ka Carabta oo uu ka mid yahay Sheikh Mansour bin Zayed Al Nahyan oo ah Madaxweyne ku xigeenka ahna Ra’iisul Wasaare ku xigeenka iyo Sheikh Hamdan bin Mohammed bin Rashid Al Maktoum oo ah Dhaxalsugaha Dubai ahna Wasiirka Difaaca.

Madaxweyne Maxamuud ayaa si weyn uga mahadceliyey

Madaxweyne Maxamuud ayaa si weyn uga mahadceliyey taageerada joogtada ah ee Imaaraadka Carabta ay ka siiyaan horumarinta Soomaaliya, isagoo ku ammaanay doorka muuqda ee ay Imaaraadku ka qaateen horumarka Soomaaliya.