Madaxweyne Xasan Sheekh oo la kulmay Ra’iisul Wasaaraha Jarmalka oo uu kala hadlay iskaashiga labada dal

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa magaalada Berlin kula kulmay ra’iisul wasaaraha dalka Jarmalka Olaf Scholz oo ay ka wadahadleen arrimo kala duwan oo ku saabsan iskaashiga labada dowladood.

Labada mas’uul ayaa si weyn uga wada hadlay danaha dalalkooda iyo sii wadida iskaashiga dhinacyada cimilada iyo horumarinta dhaqaalaha, taageeridda dadaallada dowladda Soomaaliya ay ku doonayso inay ku qabato mas’uuliyadaha amniga ka dib howlgalka AMISOM, tababaridda iyo qalabeynta Booliiska Soomaaliyeed si kor loogu qaado tayadooda. in la sugo amniga dalka iyo arrimo kale oo muhiim ah.La xiriira geeddi-socodka dhismaha dowladnimada Soomaaliya.

Intii uu socday kulanka Chancellor Schulz ayaa soo hadal qaaday

Intii uu socday kulanka, Chancellor Schulz ayaa soo hadal qaaday arrimaha qaxootiga iyo magangelyo doonka, iyadoo tilmaantay in Jarmalku uu ka mid yahay meelaha ugu badan ee ay maraan dadka ka soo cararaya colaadaha iyo caqabadaha nololeed ee ka imaanaya qeybaha kala duwan ee caalamka.

Waxa uu sheegay in kumannaan Soomaali ah ay ka mid yihiin dadka magangelyo ka helay Jarmalka oo hadda si wanaagsan uga qeyb qaadanaya horumarka dalka iyo isdhexgalka bulshada.

Si kastaba ha ahaatee, Schultz ayaa sidoo kale xusay inay jiraan tiro aad u yar oo soo galooti Soomaaliyeed ah

Si kastaba ha ahaatee, Schultz ayaa sidoo kale xusay inay jiraan tiro aad u yar oo soo galooti Soomaaliyeed ah oo si sharci-darro ah ku jooga dalkaas kaddib markii ay dambiyo galeen, sidaas darteedna ay ku waayaan xuquuqdooda magangalyo.

Madaxweynaha Soomaaliya ayaa sheegay in dadka waayay xuquuqdooda magangalyo ay si iskood ah ugu laaban karaan dalkooda, wuxuuna xusay in uu aad ugu faraxsan yahay doorka Jarmalka ee soo dhaweynta magangalyo doonka Soomaaliyeed iyo in fursad loo siiyo.

Kulankan ayaa qeyb ka ahaa booqasho rasmi ah oo uu Madaxweyne Xasan Sheekh ku tagay dalka Jarmalka, kadib casuumaad uu ka helay Chancellor Schulz, waxaana kulanka labada mas’uul uu ku soo idlaaday is-faham, taasoo u gogol xaareysa sii socoshada iskaashiga labada dal oo ku qotoma muddo dheer. -xidhiidhka saaxiibtinimo ee muddada.