Ilo xog ogaal ah ayaa xaqiijiyay in Imaaraatka Carabta ay ogolaatay in lagu soo wareejiyo 10-qof oo Soomaali ah oo lagu helay dambi ah in ay isku dayeen in ay afduubtaan markab shidaal sanadkii 2011-kii, waxaana dadkaasi lagu xukumay xabsi daa’in, si ay dalkooda ugu dhameystaan inta ay ku xiran yihiin.
Suxufiga oo la hadlay Idaacadda Codka Maraykanka ayaa baahiyey qeybta Soomaaliga “Harun Macruuf” oo qoraal uu soo dhigay bartiisa Twitter-ka ku sheegay in Imaaraatka Carabta ay si sharaf leh u ogolaadeen Ra’iisul Wasaaraha Soomaaliya in toban maxaabiis Soomaali ah loo soo wareejiyo dalkooda si ay ugu dhameystaan inta ka dhiman xukunkooda.
Tobankan qof ee Soomaalida ah ayaa la xiray sanadkii 2011 kadib markii ay isku dayeen in ay afduubtaan markab shidaal, waxaana lagu xukumay xabsi daa’im dalka Imaaraadka Carabta, waxaana la sii deyntooda loo ogolaaday 25 sano oo xarig ah oo kaliya, balse waxaa loo ogolaaday in laga soo wareejiyo dalka Imaaraadka Carabta. Maamuus cusub oo ka timid milkiilaha dalka Isu-tagga Imaaraadka Carabta, Sheikh Mohamed bin Zayed Al Nahyan, oo muhiimad weyn u leh Soomaaliya, una fidiyay taageero deeqsinimo ah.
Sheekh Maxamed Bin Zayed ayaa sharftiisa ka dambeysay socdaalkii uu dhawaan dalka Imaaraadka ku tagay Ra’iisul Wasaaraha Soomaaliya Maxamed Xuseen Rooble oo ka tacsiyadeeyay geeridii Sheekh Khaliifa iyo sidoo kale u hambalyeeyay Sheekh Maxamed Bin Zayed oo la wareegay xilka madaxtinimo ee Imaaraadka.
Maxkamad ku taalla magaalada Abu Dhabi ayaa tobanka qof ee Soomaalida ah ku heshay eedeymo kala duwan oo la xiriira isku dayga afduubka Markab Shidaal oo marayay Badda Carbeed ee ku dhow xeebaha dalka Cumaan.
Waa kuwan magacyada toban eedaysane oo Imaaraadku ogolaaday in loo soo wareejiyo Soomaaliya:
Cabdullaahi Maxamuud Faarax
Cabdifataax Xuseen Maxamed
Maxamuud Cabdi Ibraahim
Xasan Siciid Xuseen
Cabdul Xaamid Cabdullaahi Maxamed
Saqr Maxamed Yuusuf
Faarax Guardi Baraf
Cali Tahliil Maxamuud
Cabdoo Cali Siciid
Axmed Maxamed Cabdallah
.webp)
0 Comments